Терінің маңызы, қызметі және құрылысы
Тері — біздің денсаулығымыз үшін өте маңызды мүше. Оған қарап, адамның физикалық және эмоциялық күйін байқауға болады.
Денедегі терінің жалпы ауданы шамамен 2 шаршы метрді құрайды. Қалыңдығы 0,5-2 миллиметр. Ағзаның барлық маңызды процестеріне қатыса отырып, тері мынадай функцияларды орындайды: иммундық, қорғаныстық, секреторлық, рецепторлық және т.б.
Құрылымы
Тері үш қабаттан тұрады: жоғарғы эпидермис, дерма және гиподерма.
- Эпидермис — бұл көзге көрінетін және қолмен ұстауға болатын терінің сыртқы қабаты. Ол бізді улы заттардан және зиянды микроағзалардан қорғайды. Бұл қабат әр 3-4 апта сайын жаңарып отырады.
- Дерма дәнекер тіннен тұрады, оның құрылымы күрделі. Бұл қабатта қан тамырлары, лимфа тамырлары, шаш түйіншелері, нервтер және май бездері бар.
- Гиподерма — ең үлкен әрі ең ауыр қабаты. Ол бұлшық ет пен тері арасындағы байланыстырушы құрылым. Терінің төменгі қабаты денені механикалық қорғауға, жылуды сақтауға және жинақтауға көмектеседі.
Қызметі
- Денені шамадан тыс су жоғалтуынан, ультракүлгін сәулелерден, патогендік бактериялар мен зиянды заттардың ағзаға еніп кетуінен қорғайды.
- Тері дененің қызып кетуіне немесе қатты салқындауына жол бермейді. Ол тыныс алу және зат алмасу процестерін реттеуге қатысады. Сондай-ақ, гиподермис қоректік заттарды сақтайды.
- Ішкі ағзаларды механикалық зақымданудан қорғайды. Май жасушалары соққыны жұмсартады.
- Терідегі нервтер жанасуды, ауырсынуды, жылуды және суықты сезінуге көмектеседі.