Менің сүйікті спортым (эссе)

Ұқсас: Спорт — денсаулық кепілі (эссе)

Жүзу

Спорт адамның денсаулығына пайдалы екенін балалық шақтан бастап білеміз. Алайда, қандай да бір секцияға қатысуға мүмкіндік болғанымен, оған бармау үшін әртүрлі сылтау табамыз. Бірақ, баруға шешім қабылдасаңыз, өміріңіз түбегейлі өзгереді.

Мен досыммен бірге жүзу мектебіне жазылдым. Әрине, бастапқы кезде физикалық тұрғыдан өте қиын болды: барлық бұлшықеттер ауырып, таңертең төсектен шыққым келмеді. Дегенмен, шыдамдылық танытып, тағы 2-3 рет барғанан кейін, бұл спорт түрінен ләззат алатын болдым.

Осы спорт түрімен өмір бойы айналысатыныма сенімдімін. Олимпиада чемпиондары мені шын жүректен таңқалдырады, өйткені жеңіске жету үшін, қанша күш пен табандылық қажет екенін білемін. Мен де болашақта осындай биік шыңдардан көрінгім келеді.

Волейбол

Біз дене шынықтыру сабағында волейбол ойнағанды ұнатамыз. Ойын алаңы кішкентай болғандықтан, волейбол – көп күш жұмсалмайтын спорт түрі деп ойлап қалатын шығарсыздар. Бірақ, шын мәнінде, бұл ойын кезінде барлық бұлшықеттер қозғалады. Әрине, бірінші кезекте – бұл қолдар. Ал, екінші кезекте – аяқтар, себебі жиі секіруге тура келеді.

Бұл спорт түрі қолдың ептілігін және күшін дамытады. Жеңіске жету үшін, командаңыз бір жұдырықтай болуы керек. Қарсыластың стратегиясын, оның күшті және әлсіз жақтарын түсіну өте маңызды. Мен волейбол ойнағанды жақсы көремін. Әр ойыннан кейін өзімді мықты сезінемін.

Футбол

Футбол – әлемдегі ең танымал спорт түрі болып саналады. Футболға деген құштарлық – бала кезімде пайда болды. Әкем теледидардан бірде-бір футбол матчын жіберіп алмайтын, ал мен үнемі оның жанында отыруды қатты ұнататынмын. Менің үйімнің артында, футбол алаңы бар. Жазда достарыммен бірге жиналып, басқа аудандардың баларын ойнауға шақырамыз.

Менің мектебімде футболға үлкен көңіл бөлінеді. Дене шынықтыру мұғалімі сыныптар арасында жарыстар өткізеді. Орта мектепті бітірген соң, университетке түсіп, спортқа қатысы жоқ мамандықты игергім келеді. Дегенмен, футбол әрқашан менің ең сүйікті спортым болып қалады.

Ұқсас: Спорттың денсаулыққа пайдасы