Raim все песни
Raim (Райымбек Бақтыгереев) 1996 жылы 18 сәуірде Батыс Қазақстанда, Орал қаласында дүниеге келген. Оның Қазақстанда ғана емес, ТМД елдері бойынша жанкүйерлері өте көп.
Өмірбаяны
Райм бала кезінен рэп және хип-хоп жанрларына ерекше қызыққан. Мектеп ұйымдастырған мерекелік шаралар мен дискотекаларда өнер көрсетуден жасқанбаған. Өзінің алғашқы әндерін үйіндегі ноутбукты қолданып, арзан микрофон мен дыбысты өңдеуге арналған бағдарламалар арқылы жазған. Біртіндеп, туған қаласында танымал бола бастады. Оны концерттерге және іс-шараларға жиі шақырып отырды.
Осындай кештің бірінде, Артур Давлетьяров есімді орындаушымен танысты. Біраз уақыттан кейін Raim & Artur дуэті пайда болды. «Самая вышка» туындысы тыңдармандардың көңілінен шығып, әртістерге үлкен танымалдылық әкелді. 2018 жылы жігіттер МузТВ арнасы ұйымдастырған фестивальге қатысып, «Прорыв года» және «Интернет таңдауы» номинациялары бойынша жеңіске жетті.
Жақында Ерке Есмаханмен отау құрғандығы белгілі болды. Жары Раймнан 14 жас үлкен және оның баласы бар. Бірақ әншілер, жас мәселесі шынайы сезімге кедергі емес екенініне сенімді.
