Аристотель туралы мәлімет

Аристотель — Грекияның және ежелгі әлемнің ең ақылды өкілі деп айтсақ қателеспейміз. Жан-жақты адам болғандықтан, әртүрлі ғылымдар мен ілімдерге қызығушылық танытып, адамзатқа үлкен  ғылыми және философиялық мұра қалдырды.

Ол тарихтағы ең алғашқы биолог және логика мен философия ғылымдарының негізін қалаушы болып табылады. Сондай-ақ,  астрономия, ботаника, және зоологияны өте жақсы білген.

Әйгілі ғалымның еңбектерінің 70%-ы, біздің заманымызға дейін жетпеді. Ежелгі Грекия империясы ыдыраған кезде, бұл ойшылдың еңбектерін мұсылмандық ғалымдар ғана сақтап қалды.

Аристотельді биология ғылымының атасы деп атауға болады. Ол жәндіктерді, балықтарды және сүтқоректі жануарларды зерттеуге көп уақытын бөлген. Оның «Жануарлар тарихы» атты еңбегі, 2000 жыл бойы қолданылған.

Ол Ұлы Александр патшаның ұстазы болған. Ал Аристотельдің өзі, Платоннан тәлім алған. Платон әйгілі философ — Сократтың шәкірті.

Галилео Галилей мен Николай Коперниктен бұрын өмір сүргеніне қарамастан, біздің планета шар тәріздес екендігіне сенген.

Оның әкесі Никомах, Македония патшасының дәрігері болған. Соның арқасында, Аристотель анатомия туралы білімге ие болып, адам ағзасында болатын физиологиялық процестерді ерте жасынан зерттей бастады.

«Поэтика» атты еңбегі поэзияға арналған. Сондықтан, оны алғашқы әдебиеттанушы деп те атауға болатын шығар.

Афина қаласында жеке мектебін ашып, физика, диалектика және т.б. пәндер бойынша сабақ өткізген. Бірақ, бұл қалада антимакедондық пікірлер күшейгендіктен, б.з.б. 323 жылы Халкида қаласына көшуге мәжбүр болды. Көп ұзамай, 62 жасында осы қалада көз жұмды.