Отырар қаласы туралы мәлімет

Отырар – Орталық Азияның ең ежелгі қалаларының бірі. Тарихи деректерге сүйенсек, көшпенділер мұнда V-ші ғасырдан бастап өмір сүреді, бұл кезенде ол Фараб деп аталған. Шығыстың ең атақты философтарының бірі – Әбу Насыр Әл-Фараби, осы қалада туып өскен.

.jpg

Бірнеше ғасыр бойы, Ұлы Жібек жолының керуендері осы қала арқылы өткен. Араб ғалымдары өз еңбектерінде, оны Қазақстанның ғана емес, сонымен бірге, Орталық Азияның сауда және мәдени орталығы деп санаған.

XIII ғасырдың басында, Отырар қаласы 200 мың тұрғыны бар, жоғары маңыздылыққа ие қалаға айналды. Ол Хорезмшах империясының құрамында болды. Алайда, 1218 жылы қаланың билеушісі қонақжайлылықтың барлық заңдарын бұзып, Шыңғыс ханның елшілерін өлтіріп тастаған. Бұған моңғол ханы қатты ашуланып, өз әскерімен Орта Азияға аттанды. Нәтижесінде, Отырардың барлық тұрғындары өлтіріліп, қала өртеліп жіберілді.

Әмір Темірдің бұйрығымен, Отырарға жақын жерде, әйгілі Арыстан баб кесенесі тұрғызылды. Бұл кесене қаланың ең көрікті жерлерінің бірі болып саналады, оған әлемнің түкпір-түкпірінен көптеген туристтер келіп жатыр. Сондай-ақ, Темірланның тапсырмасы бойынша, бұл қалада Бәрдібек сарайы салынды. Сарайдың қалдықтары әлі табылған жоқ, бірақ, археологтар қазба жұмыстарын жалғастыруда.

Ол XV ғасырда қайта құрылып, Қазақ хандығының экономикалық және саяси орталығы болды. Алайда, XVIII ғасырдың ортасына қарай, жоңғар әскерінің шапқыншылығынан кейін, қала қайтадан қиратылды.

Отырардың тарихы шамамен 2 мың жылға созылды. ХІХ ғасырда, құрғақшылықтың салдарынан адамдар оны тастап, қала біртіндеп босап, құлдырай бастады. Көптеген ғимараттар жоғалып кетті, қаланың қалдықтары Талапты ауылында орналасқан. Келушілер үшін, бұл жерде мұражай тұрғызылды.

Ұқсас: Түркістан қаласы туралы мәлімет